Hat ragihandin li gundika Baqewsa girêdayê navçeya Sûra Diyarbekirê qamyona bombebarkirî înfîlak kir.Ji ber teqîna qamyona bombebarkirî 10 kes mirin û 25 kes jî birîndar bûn.
Bûyer li gundika Baqewsa girêdayê navçeya Sûra Diyarbekirê di derdora 22.30an de pêk hat. Li gor agahiyên ku hatine wergirtin ji ber teqîna qamyona bombebarkirî, di kûrahiya 3 metroyan û di firehiya 35 metroyan de çalek vebû.
Li gor beyanên gundîyan berîya teqînê demekê dengê çekan hatiye bihîstin û dû re teqîneke bi tund pêk hat. Hat hînbûn ji ber teqînê 3 wesayît perçe perçe bûne û kesên di nava van wesayîtan de jî ketine haleke ku neyên naskirin. Li gor ku tê ragihandin di teqînê de herî kêm 10 kes jiyana xwe ji dest dan û herî kêm jî 25 kes birîndar bûn.
Nasnameya 5 kesên ku di teqînê de mirin diyar bûn
Li gor agahiyên ku nîştecihên gund dane digel Orhan Yakar, Seyîtxan Yakar, Remzî Yaman, Ugur Yaman û Tevfîk Yaman 10 kes jiyana xwe ji dest dane.Ji ber ku cesed nikarin bên teşhîskirin agahiyeke teqez di derbarê hejmera mirî û birîndaran de nikare bê girtin.(ÎLKHA)