Çend roj berê li Emrîka li eyaleta Konnektîkitê, ciwanekî 20 salî bi 2 sîlehan girtibû ser dibistanekê û 20ê wan zarok, 27 kes kuştibûn. Di hadîseyê de êrîşker jî hatibû kuştin. Li ser hadîseyê serekê Emrîka Barak Obama giriyabû û hinek kes û mezinên welatan, sersaxiya Obama kiribûn.
Feqet teyarên Obama yên bê însan, li Efğanîstan û Pakîstan û Yemen û Somaliyê, bi hezaran zarokan qetil dikin. Obama û van efendî began li ser wan nagirîn. Li Fîlîstîn û Çeçenîstan û İraqê, bi hezaran zarok di bin fuze, roket û bombardimanên Îsraîl, Rûsya û Emrîka de hatin qetil kirin, serekê Emrîka û van efendî began li ser wan tu hêsir ne barandin.
Li gor îstatîstîkên buroya qezetevaniya lêkolînerîyê, Emrîka ji 2004an vir ve, di êrîşên xwe yên bi teyarên bê însan de, bi hezaran zarokên bêguneh qetilkirine. Gelek qurbanên din jî sivîlên bêguneh in. Dinya û Ewrûpa li ser kuştina van zarokan, xwe li kerr û koriyê datînin. Hew zarokên Emrîka tenê tune ne.
Bangaheq