Li mehkema cezaya giran ya 13an ya Stenbolê, ev serê 13 salan bû ku dosya Hîzbûllah ya Stenbolê dihat dîtin. Ji bo dosyayê par di meha Sibatê de qirar hatibû dayîn. Daîreya 9an ya Yargitayê cezayên berê yên ku li bersûcan hatibû dayîn tesdîq kir.
Bi vî awayî cezaya miebeta girankirî yên li Hecî Înan, Emîn Ekîcî, Ebdulsettar Yildizbakan, Bûrhan Ekîneker, Îlyas Kutulman, Îbrahîm Evliyaoğlu, Mehmet Bayram Eren û Sabahattin Alkan hatibû birîn hat tesdîqkirin. Li 3 kesan cezaya endamtiya orgutê hat birîn. Cezaya 10 kesan jî, ji ber dem bi ser ketibû hat xistin.
Li ser vê qirarê hiqûqnas û parêzer beyan kirin ku, qirarên mehkeme û yargitayê îdeolojîk in. Lewra daîreya 9an ya Yargitayê, di doza hadîseyên Sîwasê de jî, qirarên li ser niqaş hatibûn kirin dabûn. Di hadîseyan de gelek kesên ku tenê ketibûn meşê, bi cezaya îdamê hatibûn cezakirin.
Parêzerê bersûcan Mûrat Sadak da zanîn ku, qirarên ji bo miwekilên wî hatine dayîn, ne li gorî tu qirarê hiqûq û qanûnên heyî ne. BANGAHEQ