Serekê karên Diyanetê prof Dr. Mehmet Gormez, bi serekên komelên camiyan yên li hêla Ewrûpa re, di civîna îstîşareyê ya ku, ji teref miftutiya Stenbolê ve hat lidarxistin de, hate ba hev.
Mehmet Gormez di civînê de wiha got “Li Konyayê 3 hezar, li Kastamonûyê 3 hezar camî hene û li Stenbolê jî 3 hezar camî hene. Li gor nîsbeta nifûsê, bajarê ku camiyên wî herî hindik in, bajarê Stenbol e. Nifûsa welêt ji sedî 25 li gundan e û ji sedî 75 li bajêr e. Feqet ji sedî 75 camî li gundan e û ji sedî 25 jî li bajara ne. Di nimêjên îdan de, nîva welatiyan li kuçan nimêj dikin.”
Gormez di dewamiya xeberdana xwe de weha got “Di vê paşê de, hinek hejmara nexweşxane û mekteban bi ya camiyan re qiyas dike. Ev yek şaş e. Li vî welatî her kes mumin e, lê her kes ne nexweş e. Qiyasa camî û nexweşxana nabe.”