Di dema avakirina cimhûriyetê de qanûnên şoreşê hatibûn çêkirin. Ji wê demê heta niha wan qanûn, di rêzik û esasiya qanûna dewletê de hene. Feqet êdî qenc tê fêmkirin û dîtin ku hinek ji wan ne li gor vê dewrê û başiya civakê ne. Mîna mecbûriyeta şebqeyê, yesaxa bikaranîna navên wekî “bey”, “paşa” û “haci”, yesaxa tekke û zaviyan dijî fitreta însan û menfîeta civakê ne. Heger îro bên tetbîqkirin, wê herkes henekên xwe pê bikin. Ji ber vê yekê li ser rakirina wan qanûnan xebat tê kirin.
Der barê rakirina van qanûnan de niqaş tê kirin. AKP dixwaze 4 qanûnên şoreşê rake. Bekir Bozdağ sînyala rakirina van qanûnan dabû. Ji ber vê yekê jî gazî CHPê kiribû. Berdevk û wekîlê serekê partiya AKPê Huseyîn Çelîk wiha got “Qanûnên ku di bin navê qanûnên şoreşê de hatine derxistin, ne li gor rûhê civak û zeman in, û di pratîkê de nayên tetbîqkirin, ji xwe wê çav li wan bê gerandin. Tu qanûn heta qiyametê dewam nake. Qanûn li gor hewcetiya dewrê tên derxistin.” www.bangaheq.net