Li Misrê referandûma ji bo qanûnê, wê di 15 û 22ê Kanûnê de bê li dar xistin. Mensûbê heyeta bilind ya hilbijartinê ya Misrê Ebdurrehman Behlul îfade kir ku, wê referandûm di 2 rojan de bê li dar xistin. Behlul wiha got “Ji ber ku hejmara hakimên ku wê dana rayê kontrol bikin, negihaştiye 13 hezarî, heyeta hilbijartinê vê qirara ji bo 2 rojan daye.”
Sekreterê heyetê 2 roj berê dabû zanîn ku ji bo kontrola referandûmê, dora 10 hezar hakiman qeyda xwe kirine.
Li aliyê din, tê gotin ku terefdarên rejîma kevn, ji bo protestokirina referandûmê û zêdekirina tansiyona li welêt, fealiyetan li dar dixin. Dilxwaz û piştevanên Mûrsî û rimilkên rejîma kevn, li paytext Qahîreyê civiyan. Li herêma Medînetun Nesrê, bi sedhezaran terefdarên Mûrsî kom bûn. Hejmara terefdarên Mubarek yên li Tehrîrê jî, bi hezaran e.
bangaheq.net