Zarokên multeciyên Sûriyê, li welatên din perîşan in. Di konan de, di qempan de di bin şert û mercên giran de şerpeze ne. Her çi qas niha hişê wan zulm û şer û herbê baş îdrak neke, mîna haya wan ji tiştekî tune be, di nav hev de bilîzin jî, di ğûrbet û multecitiyê de herî zêde ew perîşan dibin.
Ji ber bomba û şer, derketine dervê welat. Pêxwas digerin, bê cil û berg digerin. Di nav herî û tozê de rojên xwe derbas dikin. Feqet barê malê, sibê dusib li ser milê wan e.
Di herêma konbajar ya Atmeyê de nêzî 10 hezar zarok hene. Ji Hama, Xûmûs, Îdlîb, Lazkiye, Heleb û Şamê û ji derûdora wan hatine wir, navên wan ji hev cûda bin jî, rewşa wan eynî ye. Hinek dilîzin hinek li bendî stendina alîkariyên saziyan e.