Heyeta AGDDyê ya ku bi serokatîya Mehmet Cîhan Şîmşek hatibûn serdanê, ji teref Şaxên Ciwanîyê yên Amedê ya HUDA PARê bi serokatîya Yasîn Dursun û bi endamên şaxên ciwanan ve hatin pêşwazî kirin.
Yasîn Dursun a ku serokê Şaxên Ciwanîyê yên Amedê ya HUDA PARê ye di derbarê rojevê de fikr û ramanên xwe bi mêvanên xwe re parve kir û bal kişande li ser girîngîya hilbijartinên 7ê hezîranê. Yasîn Dursun her wiha destnîşan kir ku dixwazin ji Amedê Zekerîya Yapicioglu bişenin meclîsê.
Dursun, axaftina xwe ya di derbarê hilbijartinan de wiha domand: “Ez bawer dikim ku Namzetên Azad dê him di qada mafên însanî de him jî di qada mafên îslamî de tesîreke mezin li hikumetê bike.Ez bawer dikim ku heger namzetên Azad têkevin meclîsê, ev têketin dê him ji bo Kurdistanê him jî ji bo Tirkîyeyê bi kêr bibe.”
Berdevkê AGDDyê Şîmşek jî di derbarê hilbijartinên 7ê hezîranê de serkeftin ji bo Yapicioglu xwast û wiha ragihand: “Divê HUDA PAR jî di meclîsê de hebe.”
Her wiha berdevkê AGDDyê ciwanên HUDA PARî dawetî bernameya “ Di pêvajoya Çareserîyê de Ciwanî û Danasîn”ê kir. (ÎLKHA)