Do salvegera şehadeta Seyyîd Qûtûb bû. Şehîd Qûtûb di 29ê Tebaxa 1966an de li Misrê hatibû daliqandin.
Li Misrê hereketa Îxwanul Muslîmîn, li seranserê welêt bipêşve diçe. Hikûmeta wê dewrê pêşveçûna hereketê ji xwe re talûke dibîne û ewilî serekê hereketê Hesen Elbenna dide kuştin û dûre jî, ji îxwanul Muslîmîn gelek kesan digrin, li wan eziyet û îşkence dikin, gelek kesan jî didaliqînin mîna Ebdûlqadîr Udeh. Di vê dewrê de Seyyîd Qûtûb tevlî hereketê dibe û di ‘aleyhê rejîmê de xeber dide û dinivîsîne. Ji ber vê yekê jî tê girtin. Nêzî deh salan di hepsan de dimîne. Ji bo effûbûnê, uzra ji serekdewletê jê tê xwestin. Ew jî dibêje “Eger min xetayek kiriba ji xwe minê bixwesta. Madem ez bêsûcim, ez narim xwe li ber zalimekî zelîl nakim” Ji ber vê yekê jî tê îdam kirin.
Lê kitêb û eserên wî, îzzet û berxwedana wî, tefsîr û fikrên wî, ne tenê li Misrê, belkî li gelek welatên muslumana ji bo dawetvan û xizmetkarên Îslamê bû pêşîvan. Xweda rehma xwe li wî û li hemî şehîdên Îslamê bike.
(Ferman Çiyayî/Bangaheq)