Komela Selam-Dera Mûşê, di 2009an de hatiye damezrandin. Ji wê çaxê heta niha alîkariyên xwe didomîne. Alîkarê serekê komelê Mehmet Guler, der heqê fealiyetên komelê de xeber da. Mehmet Guler wiha got “Ji damezrandinê heta niha, fealiyetên me berfirehtir bûne. Li gor alîkar û fealiyetên par, em gihaştine derenceke bilind. Her wiha xebat û xizmetên me hem firehtir bûne hem jî bi serûber bûne.”
Guler wiha dewam kir “Alîkariyên me dighêjin 12 tax û mehelên merkeza Mûşê û gundan wê. Par me alîkariya 491 malan kir. Bi piranî me alîkariya jinbî û sêwiyan kirin. Meqseda me razîbûna Xweda ye. Ji lew camîa me, ji bo civak û millet mesûliyeta xwe pêk tîne. Em malavahiya hemî kesên xêrxwaz û xizmetkarên xwe dikin ku, di vê riya xêrê de destek û alîkariya xwe texsîr nekirin.”
Bangaheq