Li gor xeberan, hêzên Esed bombardimanê xwe dewam dike. Li bakurê Şamê bajaroka Telê, hat bombebarandin. Ordiya Esed, bajaroka Telê, da ber top û roketan. Tel 8 kîlometre dûrî Şamê ye û nifûsa wê jî, 100 hezar e. Muxalîfan da zanîn ku bombebarandin bi şev dest pê kiriye û gulên top û roketan li hinek apartmana ketine. Millet ji bajêr direve. Xetên elektrîk û telefonê hatine birîn.
Li aliyê din Rûsya jî, ji bo çekên kîmyewî hişyarî da Sûriye. Rûsya ji Sûriye xwest ku guhbide yesaxên der heqê bikaranîna sîlehên kîmyewî. Protokola Cenewreyê bibîr anî û wiha got “Rûsya, ji Sûriye hêvî dike ku wê di pêşerojê de jî, li ser mesûliyetên xwe yên navnetewî be.”
Sûriye di 1968an de, îmze avêtiye protokola Cenewreyê. Li gor Protokola Cenewreyê, di herban de bikaranîna çekên kîmyewî û biyolojîk, di 1925an de, hatine yesax û qedexe kirin.
Berdevkê wezareta karên derve ya Sûriye Cîhad Maqdîsî jî îfade kiribû ku çekên kîmyewî yên di destê wan de ji ğeyrî hêzên ecnebî, wê li be sivîlan bikar neyne. (Ferman Çiyayî/Bangaheq)