Hat ragihandin ku li Celawleya bajaroka Diyalaya bajarê Iraqê, di şerê navbera endamên grûba DÎŞI û pêşmergeyan de, 9 milîtanên DÎŞIyê û pêşmergeyek hatiye kuştin.
Li gor agahiyên ku ji çavkaniyên ewlekariyê hatine hildan li herêma Wahdeya navenda Celawleyê, komên çekdar ên DÎŞIyê û pêşmergeyan şer kirin. Di vî şerî de 9 endamên DÎŞIyê û pêşmergeyek hat kuştin û 3 pêşmerge jî birîndar bûn.
Li welêt ev demek e ji ber tunebûna otorîteyê şer didome. Komên çekdar ên ku pêşengiya wan DÎŞI dike, bajarên Mûsil, Baqûba û Telafer, navçeyên El-Qaîm, Rawe, Aneh û Hadîsêyê yên bajarê Enbarê bi dest xistine. Ji ber pevçûnan milyonek kesên sivîl cî û warên xwe terikandine.
Çınarın Sesi