Li gor xeberan hat diyar kirin ku li Sûriye şer dewam dike. Di operasyonan de nêzî 30 kes hatin qetil kirin. Operasyon bi êrîşên hewayî hatin rast kirin. Şopandina heqên însana ya Sûriye got ku di operasyonên li bajarê Îdlîb, Heleb, Hûmûs û Şamê de, nêzî 30 kes hatine kuştin.
Li aliyê din hat îddîa kirin ku qomandarê alaya 105an a yekîtiya muhafizên cimhûriyetê Tûğgeneral Menaf Tlas, dev ji yekîtiya xwe berda û Sûriye terk kir, hat Tirkiye. Malpereke ku nêzî ordiya Sûriye ye, li ser agahiyên îstîxbaratê, vê revê îfade kir. Îddîa ku Menaf Tlas tevlî ordiya azad buye, nehat rastandin. Hat gotin ku bavê Tlas jî, di hikûmeta Sûriye de, 34 salan wezîfa wezîrtiya parastinê kiriye.
Yekîtiya ‘Ereb jî dîsa ji bo xelasbûna ji qirîza Sûriye, gazî her dû aliyan kir ku li ser plana aşîtiyê ya Kofî Annan, li hev bikin. Alîkarê sekreterê giştî yê Yekîtiya ‘Ereb Ehmed bîn Hîllî wiha got “Yekîtî hê li ser plana aşîtiyê ye. Mudaxela eskerî, ne ji bo feyda millet û dewleta Sûriye ye. Em dixwazin her dû alî, guh bidin plana Kofî Annan” (Ferman Çiyayî/Bangaheq)