2 hefte berê li Colemêrgê operasyon hatibû lidarxistin û di encama operasyonê de Hevserokê Bajarê Colemêrgê yê HDPê Metîn Besî û Serokê Kevin ê Şaredariya Colemêrgê Kazim Kurt jî di nav van de bi tevahî 15 kes hatibûn binçavkirin.
Piştî lêpirsîna ku hat kirin F.K. di midûrtiya ewlehiyê de, C.K. jî piştî îfadeya wî ya li serdozgeriyê hatin serbestberdan. 13 kesên din bi hinceta endambûna rêxistina terorê derketin dadgehê.
Di mehkemê de Serokê Bajarê Colemêrgê yê HDPê Metîn Besî û Serokê Kevin ê Şaredariya Colemêrgê Kazim Kurt, Serokê Şaxa Sendîkaya Kedkarên Buroyê Îlhan Akbaş, Hevseroka Navçeya Navend a DBPê Emîne Armut, rêvebirê kevin ê DBPê Omer Kaya, karkerê şarederiya Mesut Ozdemîr, Hevserokê Navçeya Navend ê HDPê Asim Ozcan, Serokê Kevin ê Meya-Derê Bedîrhan Koç û Hakan Abî hatin girtin. E.A, M.K, S.O û Î.A jî bi şertê kontrola adlî hatin serbestberdan.
ÎLKHA