Yapicioglu di despêka peyama ku weşand de diyar kir hemd ji WÎ Xwedayê ku nesîbî me kir ku em ji Remezanê îstîfade bikin û me gihaştand eydê. Yapicioglu dû re wiha got: “ Ez Eyda Remezanê ya temamê Mislimanan tebrîk dikim. Pêwîst e di vê eydê de hewil bê dayîn da ku ji bereketa Remezanê her tim îstîfade bê kirin.”
“Em ji Rebbê xwe hêvî dikin ev eyd bibe wesîleya rojên bi hizûr, silh û selamet"
Yapicioglu di berdewama axavtina xwe de diyar kir nêzî mehekê nefsên me terbiye bûn û dû re wiha got: “ Înşallah digel bedenên me ruhên me jî pak û tahir bûne. Ez wan Mislimanên ku gihaştine eydê tebrîk dikim. Ji ber şerê ku li cografyaya Îslamê pêk tê em bi şikleke xemgîn dikevin eydê. Zehmetî û mişkîleyên wan birayên me yên ku bûne muhacir û bi zilmê azadiya wan ji wan hatiye standin hêj berdewam dike. Ji ber şer û ji ber dorpêçê birayên me yên ku birçî ne û di warê peydekrina ava paqij de zehmetiyê dikşînin hene. Ji ber vê yekê em bi şikleke xemgîn dikevin eydê. Em ji Rebbê xwe hêvî û temennî dikin ku ev eyda ku em ê têkevinê bibe eyda dawî ya bi xemgîn û dîsa em ji Rebbê xwe hêvî dikin ev eyd bibe wesîleya rojên bi hizûr, silh û selamet.”(ÎLKHA)