Serokwezîr Bînalî Yildirim kesên ku doh di teqîna Stenbolê pêk hatibû de birîndar bûbûn li Nexweşxaneya Perwerdehî û Lêkolînê ya Hasekiyê ziyaret kir.
Yildirim piştî ziyaretê di derbarê teqîna ku li navçeya Midyada Mêrdînê pêk hatibû de daxuyanî da. Yildirim destnîşan kir ku di encama teqînê de 1 polês, 2 siwîl bi tevahî 3 kes jiyana xwe ji dest dane û 30 kes jî birîndar bûne.
Yildirim wiha axivî: “Ji ber ku bi bariyeran tedbîr hatibû hilgirtin digel teqîna mezin tabî birîndar jî hene. 30 kes birîndar bûne. Mixabin heta niha bi şiklê ku hatiye teyîtkirin 1 polês, 2 siwîl bi tevahî 3 kes jiyana xwe ji dest dane.”
Yildirim bal kişand ku dê tekoşîna bi terorê re bidome. Dûvre Wezîr Yildirim wiha pê de çû: “Li kû dibe bila bibe çi li bajêr çi li çolwarê ji bo ku teror ji rojeva Tirkiyê derkeve dê em bi polês, cendirme, leşker, gundparêz û heta hemwelatiyên xwe ve wek yekvicûd bişev û biroj tekoşîna xwe bidomînin.”
ÎLKHA