Platforma evîndarên pêxember, bi minasebeta wîladeta pêxemberê me, li Sêrtê bernameya mewlûdê li dar xist. Bi hezaran aşiq û dilda û pêgirtiyên hz Resûlûllah, bi tekbîr û selewatan tevlî bernameyê bûn. Nexasim qîz û jinan teweccuhek mezin nîşanî mewlûdê dan.
Bername li stadyûma bajêr hate rastkirin. Bername bi tîlaweta Quranê dest pê bû, ji devê zarokên biçûk bi xwendina mewlûdê dewam kir. Dûre hunermendan, îlahiyên xwe pêş kirin. Millet bi coş û heyecan, bi tekbîr û selewatan tevlî hunirandina îlahiyan bûn. Mela Beşîr Şîmşek û mela Osman Teyfûr, li ser heyat û mucadela pêxemberê me û esahên wî xeber dan. Xitm û selewatên ku hatibû xwendin, hatin teslîmkirin. Careke din hunermend û grûbên îlahiyan, îlahiyên xwe pêş kirin. Bernameya mewlûdê ya bi coş, bi xwendina duayê bi dawî bû. BANGAHEQ