Li gorî agahîyên ku hatine wergirtin şewat şeva înê li gundên Dedebag û Guzeldereyê dest pê kir û di demeke kurt de bi tesîra bayê belavî herêmeke mezin bû.
Ji ber îxbara ku hat kirin ekîbên îtfaîyê û daristanê dest bi midaxeleyê kirin û hewl dan û şewatê bitefînin. Lê ji ber ku herêma ku lê şewat dest pê kiriye çiyayên asê ne di warê midaxele û tefandinê de zehmetî tê kişandin û şewat her ku diçe zêdetir belav dibe.
Di dîmenên ku ji cihê şewatê hatine girtin de tê dîtin ku şewat herêmeke gelekî zêde mezin daye ber xwe.
Sedema derketina şewatê hêj nayê zanîn.