Li Sûriyê rejîma Esed dev ji qetilkirina xelkê xwe ya bi sîlehên kîmyewî bernade.
Komîsyona Lêkolîna Rastiyan a Teşkîlata Qedexekirina Sîlehên Kîmyewî raporek amade kir. Li gorî raporê li Sûriyê gaza klorê bi bername wek sîlehê hatiye bikaranîn. Teşkîlatê da zanîn ku di vî warî de gelek belge û delîl bi dest xistine.
Di 21ê Tebaxa 2013an de li herêma Gûtaya Rojhilatê ya Şamê, bi gaza jehrî êrîş pêk hatibû, di hedîseyê de zêdetirî 1400 kes hatibûn qetilkirin. Heyeta Neteweyên Yekbûyî jî tesbît kiribû ku li Sûriyê sîlehên kîmyewî hatine bikaranîn.
Rejîma Esed ji bona textê xwe li ser pîya bihêle, kuştina jin û zarokan didomîne. Heta niha zêdetirî 200 hezar însan hatine qetilkirin.