Do li Ramallahê li beldeya Bûdrûsê, eskerên rejîma terorê siyonîst Îsraîl, bi gulla ciwanekî Fîlîstînî qetil kir. Ciwan Semîr Awwadê 17 salî, gava ku ji mektebê dihat, rastî êrîşa eskerên siyonîstê îşgalker bû. Eskerên îşgalker, ji noqta kontrola Dîwara navberê, êrîşî ciwan kirin. Semîr Awwad bi çar gulla hat qetilkirin. Li ser şehadeta ciwanê han, meş û protesto hat li dar xistin.
Li aliyê din eskerên Îsraîl, 20 aktîvîstên ku polîtîkaya Îsraîl ya çêkirina xaniyan protesto dikirin desteser kirin. Li gor şahidan, nêzî 70 aktîvîst vedigeriyan konên ku li Babuşşemsê ne. Babuş Şems roja şemiyê hatibû valakirin. Eskerên siyonîst ji wan aktîvîstan 20 heb girtin û li wan dan. Hat gotin ku eskerên îşgalker, li mensûbên medyayê jî sert me’mele kirine. Li hinek muxabîran xistine.
Fîlîstînî roja înê ji bo plana avakirinê protesto bikin, li herêma E1ê ya ku Îsraîl dixwaze lê 3 hezar xanî avabike, 30 kon vekiribûn.