Bi deh salan e, di navbera şerê esker û hêzên çekdar de, gelên vî welatî nexasim xelkê Kurd bîzar û şerpeze ye. Kesên ji mal û warê xwe, ji can û mafê xwe dibe xelkê mezlûm e. Li ser navê hiqûq û demokratîk û aşiîtiyê, bi siyaset hisab û planên herb û agirbestî û lihevkirin tên kirin. Feqet heq û hizûra millet, dinyaw axîreta millet ne di hisabê wan de ye. Qaşo her tevger û tevdêrê wan ji bo millet e. Lê mixabin kesên zirar dibînin, êş û kul û kederê dikşînin, ji mal û can û ewladê xwe dibin, milletê mezlûm e.
Yek ji van hadîseyên dilsoj, do li gundekî Mûşê qewimî. Sera Yavuz bi bomba ku li erdê dît, fecî can da. Li beldeya Qizilağacê li cîwarê Şênyaylayê, Sera Yavuza neh salî, heywanê xwe diçêrand. Li gor îfadeyan Sera li erdê bombeke destî dît û rahîşt û tevda. Lê mixabin bombe di destê wê de teqiya.Bavê Sera bi îmkanê xwe, wê birîndarî rakir nexweşxana Mûşê. Lê Sera li wir can da. Malbata Serayê, giliyê xwe da sewcîtiyê. Hat gotin ku hefteyek berê, eskeriyê li devera hadîseyê ji bo operasyonan baregeh ava kiribû.
Wekî tê zanîn sê sal berê, Ceylan Onkola sêzdeh salî jî li Licê, li ber heywanê xwe bi teqîna bomba parçe bûbû.