Midûriya perwerdehiya mîllî ya Edenê, tehemulî îmtîhana îlmên Quranî nekir û ji bo îmtîhanê cîh neda. Feqet tê zanîn ku midûriya perwerdehiyê di çarçova projeya bi navê “Bila mekteb heyatê bibînin” de, cîh dabû her aktîvîteyê.
Platforma nesla Quranî li seranserê Tirkiyê, bi beşdariya zêdetirî 10 hezar kesan, îmtîhana Îlmên Quranî û mealê li dar xist. Beriya îmtîhanê li Edenê mensûbên platformê, ji bo ku cîh bê tehsîs kirin, muraceatî midûriya perwerdehiya mîllî kir. Lê midûriya ku ji bo her aktîvîteyê cîh tehsîs dikir, vê muraceatê red kir û cîh neda îmtîhana îlmên Quranê.
Li ser vê bêtehemuliyê ji platformê serekê komela Mekteb-Derê Yilmaz Geçer wiha got “Ji bo îmtîhan bê li dar xistin me muraceat kir ku, midûriya perwerdehiyê mektebeke ji me re tehsîs bike. Bi hinek behaneyan muraceta me qebûl nekir. Ji ber vê yekê jî em midûriya perwerdehiyê şermezar dikin.”
Yilmaz Geçer peyva wiha qedand “Bi îzna midûriya perwerdehiyê, di çarçova projeya bi navê “bila mekteb heyatê bibînin” de, mekteb ji bo dîlan û dawetan, ji bo semîneran û ji bo civîn û partiyên mezûniyetê tên tehsîs kirin. Feqet midûriyetê nehişt ku mekteb ji bo îmtîhana îlmên Quranê bê tehsîs kirin. Mekteb bi aktîvîteyên dîlan û sefahetê tu heyatê nabînin. Mekteb encax bi xwendina Quranê heyatê dibînin.” www.bangaheq.net