Li Meksîkayê di şova temaşeya qamyona cinawir de, wesayîta cinawir ji kontrolê derket û bi ser temaşevanan ve herikî. Di hadîseyê de 8 kes hatin kuştin, 80 kes jî birîndar bûn.
Di şov û temaşeyê de qamyon di ser wesayîta xurde re derbas bû û dûre ji kontrolê derket. Qamyona cinawir, mîna cinawiran pêl temaşevanan kir û ew eciqandin. Yek jê zarok 8 kes fecî hatin kuştin, nêzî 80 kes jî birîndar bûn. Tirs û gûmana zêdebûna hejmara miriyan heye.
Hinek temaşevanan beyan kir ku şofêrê qamyonê, di heyama şovê de, serê xwe li wesayîtê xistiye û dûre kontrola wesayîtê winda kiriye.
Tê lêkolînkirin û lêpirsîn bê gelo di pedala gaza wesayîtê de, ‘erîzeyeke mekanîk qewimiye yan na. Ji ber facîa han, şov û temaşeya qamyona cinawir hat betalkirin. BANGAHEQ