Serokcimhûr Ebdullah Gul, pakêta çaran ya ku di qanûna cezayê de guhertinan pêk tîne tesdîq kir. Bi vî awayî qanûna nû ket meriyetê.
Li gorî pakêta çaran ya yargiyê, kesê li ser navê orguteke neçekdar bêyî endamtiyê sûcek kiribe, wê lê cezaya zêde neyê birîn. Zêdebûna cezayê tenê gava orgut çekdar be, tê dayîn. Di sûcên îşkenceyê de jî, demborî radibe.
Her wiha gotin û xeberdanên ku teşwîkê şîddetan nakin û nabe şîddet, ji çarçova sûcê terorê derdikevin. Bi rêkûpêkkirina nû, gotina peyvên mîna “birêz, sayin” ne sûc in. Di fêlên metha sûc û sûcdaran de jî, şertê meşrû nîşandana terorê tê danîn û ceza nerm dibin.
Li aliyê din di fesada îhaleyan de, cezaya hepsê ya navbera 7 û 12 salan, dadikeve navbera 3 û 7 salan. bangaheq