Careke din îddîayên ku li Sûriyê sîlehên kîmyewî hatine bikaranîn ket rojevê.
Wezareta Karên Derve beyan kir ku li Sûriyê zulma li dijî însaniyetê ya li xelkê tê rastkirin, bi delîlên ku gaza klorê tê bikaranîn girantir bûye. Di beyanê de wiha hat gotin:
“Di rapora dawîn ya ku ji aliyê mîsyona komkirina agahiyan ya teşkîlata qedexekirina sîlehên kîmyewî ve hatiya hazirkirin de tê gotin ku li Sûriyê bi tesbîtan gaza klorê sîstematîk û gelek caran hatiye bikaranîn. Îxlala han tehdîta rejîmê ya ji bo aşîtî û îstîkrara herêmî û navneteweyî nîşan dide. Em hêvî dikin ku Konseya Ewlehiyê ya Neteweyên Yekbûyî, li ber van êrîşên ku li dijî însanîyetê sûc in û rasterast xelkê sivîl dikin hedef gavên hewce biavêje."
Hefteya borî teşkîlata Qedexekirina sîlehên kîmyewî, di beyana xwe de gotibû delîlên der barê di meha tebaxê de êrîşên nû yên bi sîlehên kîmyewî hatine kirin de hatine bidesxistin. Her wiha hatibû gotin ku bi qenaeteke mezin, di êrîşên dawîn ên kîmyewî de gaza klorê ya jehrî, saf yan jî bi nesafî hatiye bikaranîn.