Bûyereke şêrîn a ku li Bazara Elo Tewşoya Êlihê di dikaneke ku lê heywanên kedî tên firotin qewimî bala kesên li bazarê kişand li ser xwe. Lewra di dikanê de ji werdekên kedî yên ku tên firotin yek ji wan bi çar ling e. Kesên ku çelîka werdekê ya bi çar ling e dibînin ecêbmayî dimînin.
Xwediyê dikana heywanên kedî Musa Solmaz di derbarê mijarê de diyar kir dema ku wî wê werdeka çar ling dît heyirî maye û ev werdek temamê balan dikşîne li ser xwe.
Solmaz di berdewama axavtina xwe de diyar kir ew ê heta werdek mezin bibe dê wê nefiroşe û dû re wiha li axavtina xwe zêde kir: “ Ez li pazarê cîvcîvan difiroşim. Cîvcîv heywanên du ling in, lê vê carê werdekek çar lingan ji hêkê derket û em şaş mam. Welatiyên ku pê dibihîzin meraq dikin û tên sûreta werdekê digrin. Heta mezin nebe ez ê werdekê nefiroşim. Gelek kêm tê dîtin, her car ev tişt çênabe.”
Welatiyên ku ji bûyerê bûn şahid ecêbmayî mam û diyar kirin ku ev hikmeteke Xweda ye.
ÎLKHA