Serekcimhûrê İraqê Celal Talabanî îfade kir ku, ji ber mehkema İraqê 3 caran li Tariq Haşimiyê alîkarîyê wî ceza îdamê biriye, wezîfa Haşimî hatiye betal kirin. Talabanî diyar kir ku li gor maddeya 90î ya qanûna cezayê ya İraqê, Tariq Haşimî ji wezîfa alîkariya serekcimhûrtiyê hatiye xistin.
Her wiha Talabanî da zanîn ku selahiyeta wî tune ye ku alîkarekî din bineqîne, tenê dikarê wezîfa alîkarê serekcimhûrê ku ji teref parlementoyê ve tê hilbijartin tesdîq bike.
Tariq Haşimî û midûrê qelama xisûsî Ehmed Kahtan, dihatin sûcdar kirin ku ewilî ebûqatek û sûbayek dane kuştin, dûre jî wezîfedarekî wezareta karên hundir dane kuştin, li Kerbela jî êrîşên li turba Hz Huseyn û li muslumanên şîî dane rastkirin. Bi îddîa van sûcan li wan 3 caran ceza îdamê hatibû birîn.
Haşimî van sûcan red dike û ji meha Nîsanê vir ve li Tirkiyê dimîne. Di heqê wî de ji teref Înterpolê ve qirara girtine hatiye derxistin. Lê îdara Enqerê diyar kiriye ku Haşimî heta ku bixwaze dikare li Tirkiyê bimîne. Ji ber vê yekê jî, di navbera Enqere û Nûrî Malikî de niqaş heye. www.bangaheq.net