Ji serokên HAMASê Xalid Meş’al doh êvarî di kanala El-Erebî de daxuyanîyan da.
Meş’al got ku tehdîdên serokwezîrê rejima sîyonîst yê qaşo nemuhîm e wiha li axaftina xwe zêde kir: “Slogana qedandina HAMASê gelek carên din jî hatine gotin. Di şerên me yên berê de jî îşxalkeran digotin emê HAMASê biqedînin. Komên berxwedanê li ser senaryoyan teva dixebitin.”
Ew rejima sîyonîst ya ku herêmê tevî ditirsîne ev e?
Meş’al îfade kir ku sîyonîstên îşxalker firokek ji kaxizê ye wiha axavtina xwe domand: “Ew rejima sîyonîst ya ku temamê herêmê ditirsîne ev e? Têkçûna di 7ê Cotmehê de jiya û piştî tunekirina Tumena wan a Xezzeyê dijmin ket şokê. Sîyonîstên îşxalker ji bo têkçûna xwe veşêre êrîşî gelê sivîl yê ku hembêz lime vekirîye kir.”
“Pêşeroja sîyonîstên îşxalker tune ye”
Meş’al got ku Tofana Eqsayê rejima sîyonîst ji tarûmar kiriye û a niha kes behsa agirbestê jî nake û wiha li axaftina xwe zêde kir, “Pêşeroja îşxalkeran tune ye. Ev ji bo xelasbûyîna ji bindestîyê fersendek e. Teleba me mezin e; em dixwazin ji îşxalê xelas bibin. Îşxalker di heqê esîran de texmînan dikin. Di destê komên berxwedanê de ji bo guhertina esîran û jimareke ku têrî temamê esîrên Filîstînê azad bikin esîr hene. (ÎLKHA)