Li navçê hêj pevçûn berdewam dikin. Ji bilî polêsan esker jî destekê didin operasyonan.Li navçê ev bû demeke dirêj ku ne ceyran heye ne jî av.
Xelkê ku ji bona naskirîyên xwe alîkarî anîbûn û yên ku ji bona rewşa naskirîyên xwe hîn bibin hatibûn navçê ji teref polêsan ve hatin sekinandin.Her çiqas hewa serma be jî xelk li ber barîkatên polêsan radiwestin.
“ Zaroka min yek mehî digel dapîra xwe dimîne”
Hemwelatîyeke ku ji bona dan û standine ji mala xwe derketibûn di derbarê rewşa xwe de wiha axivî: “Ez dixwazim biçim mala xwe lê destûrê nadin.Hewcîtîyên me hebûn, ji ber vê yekê ez derketim derve.Serê şeveqê destûr dan ez ji barîkatan derbas bibim.Me ji polêsan re got em a niha derdikevin û em ê cardin vegerin.Ji me re gotin temam. Piştî ku gotin temam cardin me nastenin.Zaroka min yek mehî li ba dapîra min e. Destûrê nadin me .Divê pevçûn werin dawîkirn.”
“Kiryarên me li me digerin û dibêjin ev bû 30 roj ku di mal de tu erzaq nemaye”
Rayedarên markêteke taybet Yûsif û Mehmet di derbarê rewşa navçê de wiha ragihandin: “Mişterîyên me li me gerîyan û gotin ev bû mehek ku di mal de tu tişt nemaye. Me jî erzaqan barkir.Lê belê li cihê barîkat lê hene polêsan destûr nedan ku em erzaqan teslîm bikin.Em mecbûr man digel erzaqan vegerin.”
Esnaf: Divê qedexe were rakirin
Ji dikandarên Kolana Trustîkê Sînan Kalkan û Metîn Turan jî di derbarê qedexe û rewşa Sûrê de wiha axivîn: “Heger li vê cadeyê qedexe rabûbe çima ev dikan girtîne.Divîyabû ev dikan vekirîbana.Ev bû mehekê zêdetir ku em nikarin dikanên xwe vebikin.Em çi dikin, çi dixwin û çi vedixwin haya wan ji me heye gelo? Bila destekê bidin me, em muxtacê piştevanîyê ne. Ez ê jî dikana xwe niha bigirim û biçim.Kesên ku dikanên xwe vedikin jî tu tiştî nakin. Bila çareyekê ji vê re bibînin.An bila qedexeyan temametî rabikin an pevçûnan biseknînin an jî bila çareyekê bibînin.”(ÎLKHA)