XETMA QURANÊ
LI WANÊ, XUŞK Û JIN BI COŞEK MEZIN TEVECCUHÊ MÛQABELEYAN DIKIN
Di meha remezanê de, xwendina xitm û muqabela Quranê, adet û îbadetekê xelkê musluman e. Hem jin hem jî mêr, hem li camiyan hem jî mal û dergehan, tevlî xwendina muqabela Quranê dibin.
Mîna gelek bajaran, li Wanê jî di gelek camiyan de muqabela Quranê tê li dar xistin. Bernama muqabela Quranê ya mexsûs ji bo xuşk û jina, bi coşek û teveccuhek mezin tê rast kirin. Li dehan camiyan, saet di navbera 10 û 11ê sibehê de, ji mehellan jin û xuşk xwe li bernama muqabela Quranê dicivînin. Di 106 camiyan de ji bo jin û xuşka, muqabela Quranê tê li dar xistin.
Miftiyê Wanê Nîmetûllah Arvas, di xeberdana xwe de wiha got “Quran ji civak û însana re, hem rûh e hem jî heyat e. Li herêma Wanê di 106 camiyan de, ji bo xuşk û jina bernama mûqabela Quranê tê li dar xistin. Însan çiqas aşînayê Quranê dibe, ewqas hizûr û heyatê dibîne. Ez bawer dikim ku ji vir û wir de jî, wê ji Quranê re teveccuh mezintir bibe.”