Li herêma başûrê rojhilat ji ber germa zêde li hin deveran welatî li ser banîyên xwe radizên. Îsal ji ber razana li ser banî 13 kesan can dan.
Li herêmê di havînan de razana li hundirê malan, ji ber germê hema bêje ne mumkun e. Ji lew welatî li ser xaniyên xwe razana li ser sederan tercîh dikin. Ev tercîh jî carna dibin sedema qezayan.
Îsal li merkez û navçeyên Mêrdînê, ji ber razana li ser xaniyan, 13 kesan can dan. Par 23 kes ji ser banî ketibûn xwarê û can dabûn.