Dibistana Sûriyeyîyan a Diyarbekirê ya ku di sala 2014an de li navçeya Baglara Amedê hatibû vekirin, qarneyên 400 xwendevanên dibistanê bela kir.
Midurê dibistanê Muhammed Seîd Mûrad armanc û mebesta perwerdahîya ku li dibistanê ji zarokan re tê dayîn wiha destnîşan kir: “Armanca me ya perwerde dayîna li vê dibistanê ji bona ku zarok tesîra şerê welatê xwe ji bîr bikin û her wiha ji bona ku ji neqencîyan werin parastin e.”
Midurê dibistanê Mûrad di derbarê kêmasîya servîsê ya ji bona anîna zarokan a mektebê de wiha destnîşan kir: “Heger servîsekê ku zarokan anîbana mektebê hebana baştir dibû, lewra gelek malbat ji bona zarokên xwe bînin mektebê dev ji karên xwe berdidin. Ev jî ji bona malbatan pirsgirêkek e.”
Xwendevanên Sûrî di nava kêf û xweşîyê de qarneyên xwe û her wiha hediyeyên ku mamosteyên wan dane wan hilgirtin. Ji xwendevanên Sûrî Ronî û Esma diyar kirin ku hilgirtina qarneyan û digel hebûna hevalên wan ên dibistanê kêfxweşîyekê pir xweş e.
Zarok piştî ku qerna û hediyeyên xwe hilgirtin, çûne cem malbatên xwe û kêfxweşbûna xwe bi malbatên xwe re parve kirin.”(ÎLKHA)