"Rêzika di derbarê cil û bergên telebeyên mekteban de a Wezareta Perwerdehiya Millî” di qezeteya resmî de hat weşandin.
Li gor vê rêzikê, di Lîse, Mektebên ‘Ewwel û Navîn û di mektebên perwerdehiya berî mektebê de cil û bergên telebeyan serbest hatin berdan.”
Ji bilî hinek qa’îdeyan telebe bixwazin kîjan cilî li xwe kin wê karibin li xwe kin. Êdî wê mekteb nikaribin zora cilên yek tîp li telebeyan bikin.
Di mektebên xisûsî yên bi Wezaretê ve girêdayî de, li gor xwesteka ji sedî şêst weliyên telebeyan wê îdara mektebê karibe cil û bergekî yek tîp te’yîn bike.
Lê dîsa di derbarê şerpê de rewş neguherî. Telebe wê bi tenê karibin di mektebên Îmam Xetîb de û di dersên neqane yên Quranê de serê xwe binuxmînin. Ev yek jî dîsa reaksiyona welî, perwerdekar û zanyaran dikşîne.
Heya dawiya sala perwerdehiyê a 2012-2013an wê hukmê rêzika hatiye rakirin dewam bike.