Arîkarê Serokê Giştî yê Yetîm-Dera Ewrûpayê Huseyîn Ateş di derbarê haziriyên alîkariyên ku dê di meha Remezanê de bên kirin de daxuyaniyek da. Ateş di daxuyaniya ku da de destnîşan kir ew xebat dane destpêkirin da ku karibin bi hezaran kesên yetîm û feqîr alîkariyê bikin.
Ateş di daxuyaniya ku da de destnîşan kir ew di 53emîn salvegera damizrandina xwe de xebatên xwe yên alîkariyê didomînin û dû re wiha li axavtina xwe zêde kir: “ Em ê di çarçoveya bernameya Remezana sala 2017an de bingeha alîkariyên ku em ê li welatên cûrbecûr bikin avêt. Malûmî wê ye ku Remezan di wan rojên pêşiya me de dest pê dike. Em ji xêrxwazan teleb dikin bila destekê bidin wan xebatên ku dê ji bo kesên yetîm, feqîr û mexdûr bên kirin.”
Bi milyonan însan di sînora birçîbûnê de ne
Ateş di berdewama axavtina xwe de diyar kir bi milyonan însan di sînora birçîbûnê de ne û divê ji wan re alîkarî bê kirin. Ateş dû re wiha li axavtina xwe zêde kir: “ Bi milyonan însan di sînora birçîbûnê de ne û pêdiviya wan bi av, xwarin û cil û bergan heye. Em jî wek Yetînm-Dera Ewrûpayê di şiûra vê yekê de ne û em hewil didin alîakriyê bigihîjin wan.”
Li çar aliyê dinyayê ew ê ji yetîman re alîkarî bê kirin
Ateş diyar kir xebatên wan li çar aliyên dinyayê berdewam dikin û dû re wiha li axavtina xwe zêde kir: “Li Tirkiye, Fîlîstîn, Welatên Balkanê, Welatên Asya û Afrîkayê alîkariyên erzaq, cil û berg, bîrên avê, xwarina fitarê tê kirin.”
Ateş di dawiya axavtina xwe de bang li temsîlkar û xêrxwazan kir da ku di xebatên alîkariyê de ji wan re bibin alîkar.(ÎLKHA)