Li navçeya Bismil a Dîyarbekirê, di şewata malekê de zarokekî du salî mir û bira û dayika wî birîndar bûn.

Li taxa Dumlupınar a navçeyê, ji ber sedemên ku hêj nayên zanîn, agir li apartmana qata jorîn a avahiyek sê qatî derket. Dayik T.Y. û zarokên wê Ş.Y. (3) û S.Y. (2) di şewatê de birîndar bûn.

Piştî wergirtina raporê, tîmên agirkujiyê û yên tenduristiyê yên acîl ber bi cihê bûyerê ve çûn. Birîndar bi ambulansê rakirin Nexweşxaneya Dewletê ya Bismilê. S.Y., ku rewşa wî giran bû û ji bo Nexweşxaneya Fakulteya Tipê ya Zanîngeha Dîcleyê hatibû veguhastin, tevî mudaxeleyê jî nehat xelaskirin. Agir zirar da malê.