Vakfê Yetiman o ke zerrê welatî û teberê welatî de seba yetim, bêkes û feqîran xebatanê xo domneno; verê aşma Remezani de Diyarbekir de organizasyonê dıha hîrayê yardimî viraşt.

Vakfî bi peştîya xêrxazan goştê sur û qolîyê werdî resnay bi sevdan keyan.

Vakfê Yetiman o ke wazeno ruhê barekerdiş û piştgirîya aşma Remezani bide ciwîyayene, bi projeyanê xo yê cîya-cîyayan mabênê xêrxazan û keyanê hewcedaran de beno pird.

Diyarbekir de çarçoveya nê yardiman de zaf keyanê yetim û bêkesan rê goştê sur û malzemeyê werdî ameyî barekerdene.

Temsîlkarê Vakfê Yetiman Yaşar Elbahadir derheqê nê yardimî de aşkereyî da û va ke Remezan bi barekerdişî rind beno: 'Remezan wexto ke merdim bare keno weş o. Ma sey Vakfê Yetiman, qolîyê werdî yê ke xêrxazan verê Remezani ma rê şawitî, resnenê keyanê xo yê yetiman. Homay xêrê xêrxazan qebul biko. Bereket bido malê înan, înan qeza û belayan ra bipawo.