Weqfa Qudsê ya Navneteweyî der barê geşedanên li Mescidî Eqsayê ya ku hatiye îşxalkirin de hişyariyên pir tund da.

Weqf diyar kir ku Eqsa êdî ji îxlalkirin û êrîşan re bi tevahî vekirî ye û bang li alema Îslamê kir ku li hemberî vê talûkeyê mesulîyetê bigirin ser xwe.

Li gor daxuyaniya weqfê 18ê Nîsanê roja pêncşemê 2 hezar û 258 sîyonîst êrîşî Mescidî Eqsayê kirin.

Ev hejmar ji îşxalkirina Qudsê ya di sala 1967an û vir ve weke hejmara herî mezin a rojekê hate qeydkirin.

Di daxuyaniyê de weha hat gotin:

"Nasnameya Îslamî ya Mizgefta El-Eqsa di bin tehdîdeke ciddî de ye. Mabed, hema bêje bi tevahî veguheriye cihê merasima Tewratê. Desthilatdariya karbidestên weqfa Urdunê tê paşguhkirin, di heman demê de polîsên îşxalker kontrola tam di destê xwe de digrin."

Weqfê bal kişand ser wê yekê ku tişta qewimî tenê bi şiroveyan nayê ronîkirin û bi taybetî bang li hikûmeta Urdinê û welatên Îslamî kir ku gavên tesîrdar û berbiçav bavêjin. (ÎLKHA)