Analîzek berfireh a Wall Street Journal (WSJ) nîşan dide ku geşedanên dawî yên li Xezzeyê bûne sedema zêdebûnek girîng a piştgiriya raya giştî ji bo HAMASê.

Li gorî rojnameyê, hevsengiya nû ya hêzê ku piştî agirbestê û vekişîna hêzên îşxalker derket holê, tevî rexneyên ku di dema şer de li dijî wê hatine kirin, pozîsyona civakî ya HAMASê xurt kir.

Nivîskarên raporê, Sudarsan Raghavan û Suha Maayeh, destnîşan kirin ku ev zêdebûn pêkanîna plana Serokê Emrîkayê Donald Trump a ji bo bêçekkirina tevgerê û jiholêrakirina wê ji pêşeroja siyasî ya Xezzeyê tevlihev dike.

Rojnameyê ragihand ku piştî agirbestê, Hamas di rola xwe ya ewlehiya navxweyî û polês de dîsa li kolanan derket holê, û li dijî sûc, talan û çalakiyên çeteyan ên di dema şer de zêde dibûn operasyonan pêk anî. Ev gav heta ji hêla gelek rexnegirên tevgerê ve jî wekî "vegerandina aramiyê" hatin şîrovekirin.

Li gorî daneyên NY, rêjeya talankirin an desteserkirina alîkariyan, ku beriya agirbestê ji %80 derbas bû, di meha borî de daketiye nêzîkî %5. Ev başbûn wekî yek ji faktorên ku wêneya tevgerê xurt kiriye tê dîtin.

Raportê li ser kontrola bejahî destnîşan kir ku Hamas niha bi qasî ji sedî 47ê Xezzeyê - bi taybetî rojavayê "xeta zer" - kontrol dike, di heman demê de hêzên îşxalker li deverên din jî hebûnê diparêzin. Her çend plana Trump di rawestandina piraniya şer de bi ser ketibe jî, wê rê li ber Hamas vekiriye ku tesîra xwe li deverên ku ew kontrol dike berfireh bike.

Li gorî pisporan, heta ku li herêmê avahiyek din a siyasî an ewlehiyê derkeve holê ku dikare aramiyê biparêze, tevger dê di asta bilind a piştgiriya gel de bimîne. (ÎLKHA)