Piştî peyama serokê Tevgera Ensarullah Seyîd Ebdulmelîk el-Hûsî ya doh ku ragihandibû têkoşîna Yemenê li dijî rejîma sîyonîst dê bi biryardarî bidome, li gelek bajaran xwepêşandan bi beşdariyeke mezin hatin lidarxistin.

Li gorî televîzyona El Mayadeen a li Lubnanê, gelê Yemenê ji bo şermezarkirina wehşeta li Xezzeyê derket kolanan.

Îro li parêzgehên Saade, Reyme û Maribê xwepêşandanên giştî yên berfireh hatin lidarxistin.

Xwepêşanderan bi protestokirina qirkirin û tawanên ku ji teref rejîma sîyonîst ve li Xezzeyê hatine kirin, piştgiriya xwe ji bo berxwedana Filistînê dubare kirin.

Şerê qirkirinê yê ku ji hêla Emrîka û rejîma sîyonîst ve bi hev re tê meşandin gihîştiye roja xwe ya 728an û ji 7ê Cotmehê vir ve hejmara şehîdên li Xezzeyê gihîştiye 66 hezar û 148an. (ÎLKHA)