Pey ziyareta Wezîrê Karên Derve yê Amerîka, Ahmet Dawûtoğlû û John Kerry civîneke daxuyaniyê a hevpar kirin.

Serekwezîr Erdoğan gotibû: “ Êdî divê Siyonîzm jî weke Antîsemîtîzmê, Îslamofobya jî weke Faşîzmê sûcê însaniyetê bê qebûlkirin.” Di civîna medyayê de ji Kerry van peyvên Erdoğan hat pirsîn. Li ser vê pirsê Kerry go: “Di vê derbarê de fikrê me ne wekhevin, em li hemberî vê fikrê ne.”

Dawûtoğlû jî di civîna medyayê de go: “Me tu demî li hember tu dewletî beyanatên neyartiyê nedaye. Yê ku neyartiyê dike Îsraîl e. Heger ku Îsraîl dixwaze beyanatên musbet sehbike, divê halê xwe biguherîne.”

Wezîrê Amerîkî pey Dawûtoğlû bi Serekwezîr Erdoğan û bi Abdullah Gul re jî civiya. Di civîna Kerry a bi Erdoğan re li ser mijarên Sûriye, hevkariya model û têkiliyên tîcarî hat sekinandin.