Li gundên Delavgur, Kerrêcinnê û Xerabê yên herêma Qerejdaxê ya navçeya Çinarê ya Dîyarbekirê ji ber bahoz û babîsok ku pêk hat, ziyana maddî pêk hat.

Tofana ku duh şev lê da, darên mezin ji kokê ve rakirin, stûnên ceryanê û panelên rojê xistin xwarê, û di dîwarên hinek avahiyan de şikestinên cîddî çêkir.

Tesîrên tofanê, ku di tariya êvarê de çêbû, di sibehê de diyar bûn.

Ji bilî avahî û tesîsan, leqên ku di biharê de serdana herêmê dikin jî ji tofanê tesîrdar bûn.

Bircên kevirî, ku bi salan berê ji aliyê şivanên ku li herêma Qerejdaxê heywanên xwe diçêrandin ve hatine çêkirin, ji bo legleganên ku di biharê de tên bûne stargehek. Di tofanek ku êvarê çêbû de, legleganên ku li ser bircên kevirî yên bi qasî 4-6 metre bilind rûniştibûn, ketin erdê û birîndar bûn.

Her çiqas li hinek gund ji ber stûnên ketî pirsgirêkên ceryanê berdewam bikin jî, tê texmînkirin ku rayedarên pêwendîdar li herêmê xebatên nirxandina zirarê bikin. (ÎLKHA)