Li gor xeberan hat gotin ku li Misrê li Îskenderiye, bînayek nû hatibû avakirin, hilweşiya. Di hadîseyê de bi kêmanî 12 kes mirin. Gelek kes jî birîndar bûn. Îskenderiye, di meznantiyê de, li Misrê bajarê duyem e. Bîna hilweşiya jî, 11 qat bû. Bi ketina bînayê, 3 bînayên der û dor jî ketin xwarê.

Xebatên xelasiyê dewam dikin. Di xebatan de, hinek bi saxî hatin xelas kirin. Ji ber ku qirarnameya bînayan nayên bikaranîn, hilweşîna bînayan normal tê dîtin. Li ser hadîseyê lêpirsîn û lêkolîn dest pê bû. (Ferman Çiyayî/Bangaheq)