Do bi şev li Efyonê li qişleke eskeriyê, di cebilxanê de teqîn qewimî. Li cebilxana ku bombên destî têdebûn, di tasnîfkirina muhîmmatê de teqîn çê bû. Li gor beyana eskeriyê hat gotin ku 2 astsûbay, 2 ûzman û 21 esker di teqînê de can dane, 4 esker jî ğeddar birîndar in.

Hat îfade kirin ku di dema tasnîfkirina bombên destî de, bombek diteqe. Pey re teqînên din çêbûn. Agir bi depo ket. Şewat mezin bû. Nêzî çend kîlometreyî belav bû. Malên nêzî qişleyê hatin valakirin. Bi teqînan, camên bînayên derûdor şikiyan. Wezîr Weysel Eroğlu diyar kir ku bi teqînan, hinek bombên neteqiyane, pengizînê hawêrdorê qişleyê. Ji ber vê yekê jî divê welatiyên li wir, baldar bin ji van bomban.

Li ser teqînan ekîbên pisporê îmhekirina bombe û îtfaiyê çûn devera hadîseyê. Hat îfade kirin ku nêzî wir cebilxaneke din jî heye.