Hereketa Mustezefan a şûba Diyarbekir, bi beyanata nivîskî herba gemmar û êrîşên li mekteban şermezar kirin. Hat îfade kirin ku di vê herba qirêj de her dû alî, serkeftina xwe bi hejmara kesên kuştine nîşan didin.

Cemiyeta Mustezefan a şaxa Diyarbekir, li ser êrîşa ku li Diyarbekir li mekteba Lîseya Şehîdlîkê hat kirin, beyanatek weşand. Di beyanatê de êrîşa li mektebê sert hate şermezarkirin.

Di beyanatê de wiha hat diyar kirin “Di vê herba qirêj ku bi salan li herêma me dewam kiriye de, xisarên gelek can û mal qewimîne. Di vê herbê de xisar û perîşaniyeta herî mezin, xelkê Kurdê mezlûm dîtine.

Bi teşwîk û destên qirêj, li herêmê li mekteban êrîş tên kirin. Molotof û fîşengên hewayî û bombên deng davêjin mekteban. Êrîşa dawîn li lîseya Şehîtlîka Diyarbekir hat kirin. Di hadîseyê de du mamoste û xwendekarek birîndar bûne. Felsefeya van êrîşên gemmar, heyata zarok û însanên bêsûc dixe bin talûke û zirarê. Hereketa Mustezefan van êrîşên li kesên bêsûc û sivîl bişîddet şermezar dike û ji birîndaran re ji Xweda şîfa dixwaze.”

www.bangaheq.net