Hereketa Mustezefan civînên xwe yên şêwrê li gelek deveran li dar dixe. Li Rihayê jî, civîna xwe pêk anî, bi dilxwaz û xizmetkarên hereketê re şêwirî.

Di despêkê de Mela Beşîr Şîmşek, der heqê siyaseta Îslamî de xeber da. Dûre jî endamê hereketê Ebdurrehman Cens, der heqê hewcetiya siyaset û hereketê de peyivî. Guhdaran agahdar kir. Ji qisseta hezretî Yûsûf mîsal dan. Ji heyata Hezretî Muhammed ‘eleyhîsselam nimûne gotin. Li ser siyaseta ku Ustad xwestiye peyivî.

Di axaftinê de hat îfade kirin ku wê hereketa Mustezefan, di siyaseta xwe de, ji edalet û heqqaniyetê tawîz nede. Wê li gor destûrên Îslamê û feyda millet tevbigere.