Wezirîya Karê Zereyî, qezayanê Diyarbekîrî Licê û Pasûrê de operasyonî siba ekîbkerdişê kenevirî yê qaçaxî ameyî viratene, eşkera kerd.

Serokatîya Daîreya Cezayanê Narkotîkî ya Fermandarîya Pêroyî ya Cendirmeyan û Serdozgerîyanê Komare yê Lice û Qulpî bınê koordînasyonê de xebatî ameyî domnayene, tede tîmê Şubeyê Narkotîkî yê Fermandarîya Cendirmeyan ê Bajarê Diyarbekîrî zî ca grewt.

Çarçewaya 'Plana Xebate ya Vera Têkoşînê Ekîbkerdişê Kenevirî yê Qaçaxî' de operasyonan de 64 tîmê operasyonelî û 570 personelî wezîfe grewt. Xebatan de hemdem sîstemanê dûrihî ra istifade ameyî kerdene.

Gêrayîşê erdî yê tîman de 99 cayanê ekîbkerdişê kenevirî yê qaçaxî tesbît bîyî.

Qadanê ke ameyî tespîtkerdene de ame hesabkerene ke 5 tonî esrarê tozî beno viraştene, pêro piro 217 hezar û 608 kok kenevir û skunk ameyî qirkerdene.

Operasyonan de hûna 15 kîlogramî esrar zî ameyî destbıstene.

Paylaşîşê Wezirîya Karê Zereyî de ame vatene ke têkoşîna vera roştoxanê kuçeyan, vıraştoxanê tiryakî û xebatanê çandiniya tiryakî ya qedexeyî a bêro domnayene.