273 bersûcên Doza Ergenekonê, ji sûcê avakirina orguta terorê ya çekdar, teşebbusa kirina derbeyê tê sûcdar kirin. Di nav wan de serekê sererkaniyê kevn Îlker Başbûğ, generalên teqawîd Hûrşît Tolon û Hasan İğsiz, Mehmet Haberal, Mûstafa Balbay, Tûncay Ozkan, Doğû Perînçek, Velî Kuçuk jî hene.

Do celseya 210an ya doza Ergenekonê hat kirin. Başbûğ, Perînçek, Haberal, Balbay, Tûncay Ozkan û Velî Kuçuk jî tê de, teleba tehliyê yên 65 bersûcan hat red kirin. Hayrettîn Ertekin, Muzaffer Şenocak û Bora Balli jî tehliye bûn. Ji bo redkirina teleba tehliyê jî, delîlên xurt hatin nîşandan.

Li ser redkirina teleba tehliyê, serokê partiya CHPê Kemal Kiliçdaroğlû tepkî nîşanda û wiha got “Me gelek cara gotibû ku wê li Sîlîvriya qempa komkirinê, edalet neyê kirin. Li wir hakimên îktîdarê hene, hakimên xelkê tune ne. Li wir hakimên ku rêz û hurmetê didin îrada mîllî tune ne.” (Ferman Çiyayî/Bangaheq)