Serokwezîrê Tirkiyê Receb Teyib Erdogan ragihand ku di bin navê operasiyonên 17 kanûnê de “xwestin teroreke li dijî wî û partiya wî bikin û emrên wê êrîşê jî li derve hatiye dayîn”.
 

Erdogan di axaftina xwe ya haftane de di programa “Di Xizmeta Gel de” derbarê operasiyona 17ê kanûnê û çalakiyên parka Geziyê ku li 27ê gulana 2013an de li Stenbolê destpêkiribûn de got “Êrîşên hin kesên derve û hin aliyên hundir ku naxwazin Tirkiyê bi pêş bikeve û her dixwazin Tirkiyê  ji aliyê aborî û siyasî girêdayî derve bibe û li dijî pêşketinên ku Tirkiyê du her astî de bi dest xistiye ye”.
 

Herwiha Hikûmeta Tirkiyê û Erdogan di bin navê ku ew operasiyon “komplo” ye bi sedan karmendên ewlekariyê û dadweriyê ji kar derxistin yan jî cihê wan guhart û rênimayên nû daxistin nav karê dozgerî û dadweriyê.
 

Kesên nêzîkî cemaata Fethullah Gulen li Tirkiyê dibêjin ku “hikûmet di bin navê operasiyonên 17 kanûnê de komploye destêwerdana karê dadgeh û dozgeriye dike û bi keyfa xwe karmendan ji kar dûrdixe û ciyê wan diguhere û bi tehdîdên xwe êrîşeke derûnî li ser dadgehê dike daku encamên lêpirsîna dosiya gendeliyê vala derêxe û her roj jî delîlên wan tawanan wenda dike”.
 

Cemaat dibêje “Ev karekî mafî û hiqûqî ye, pêwîste hikûmet encamên wê ji dadgehan re bihêle ne bi xwe di rêya gefan û tehdîd û jikar girtinê re, destêwerdanê bike”.
 

Serokê baroya Amedê Tahîr Elçî jî got “Eger ew tiştên derveyî yasayan di wê operasuyonê de hebe hinge hikûmet dikare destêwerdanê bike, lê hikûmet dixwaze wê gendeliyê veşêre û Serokwezîr Erdogan aşkere tehdîda dozger û dadweran dike, ev li welatê demokrasî lê tine ye jî nebûye”.
 

Cîgira serokê BDPê Meral Beştaş derbarê wê mijarê de anî ziman ku pêwîste mijarê yasayî nebin siyasî û got “Îro herkes li Tirkiyê nîqaşa bê alîtî û serbixwebûna dadgehê dike, ku dadgeh jî ketiye destê cemaatê, başe ev tişt hikûmet û rayedarên Tirkiyê nû pê dihesin, ew bê alîtî li kûbû dema ku rewşenbîr û berpirs û xwendevanên kurd bê tawan dihatin darazandin, û behsa guhdarkirina telefonan dikin, û tevî ku her kes dizane ev pênc salin telefonên perlementer û siyasetmedarên kurd tên guhdar kirin, lê dema ku agir gihîşt cilê AKPê niha tenê êdî behsa van zêdegaviyan dike”.

Serokwezîrê Tirkiyê Receb Teyib Erdogan ragihand ku di bin navê operasiyonên 17 kanûnê de “xwestin teroreke li dijî wî û partiya wî bikin û emrên wê êrîşê jî li derve hatiye dayîn”.
 

Erdogan di axaftina xwe ya haftane de di programa “Di Xizmeta Gel de” derbarê operasiyona 17ê kanûnê û çalakiyên parka Geziyê ku li 27ê gulana 2013an de li Stenbolê destpêkiribûn de got “Êrîşên hin kesên derve û hin aliyên hundir ku naxwazin Tirkiyê bi pêş bikeve û her dixwazin Tirkiyê  ji aliyê aborî û siyasî girêdayî derve bibe û li dijî pêşketinên ku Tirkiyê du her astî de bi dest xistiye ye”.
 

Herwiha Hikûmeta Tirkiyê û Erdogan di bin navê ku ew operasiyon “komplo” ye bi sedan karmendên ewlekariyê û dadweriyê ji kar derxistin yan jî cihê wan guhart û rênimayên nû daxistin nav karê dozgerî û dadweriyê.
 

Kesên nêzîkî cemaata Fethullah Gulen li Tirkiyê dibêjin ku “hikûmet di bin navê operasiyonên 17 kanûnê de komploye destêwerdana karê dadgeh û dozgeriye dike û bi keyfa xwe karmendan ji kar dûrdixe û ciyê wan diguhere û bi tehdîdên xwe êrîşeke derûnî li ser dadgehê dike daku encamên lêpirsîna dosiya gendeliyê vala derêxe û her roj jî delîlên wan tawanan wenda dike”.
 

Cemaat dibêje “Ev karekî mafî û hiqûqî ye, pêwîste hikûmet encamên wê ji dadgehan re bihêle ne bi xwe di rêya gefan û tehdîd û jikar girtinê re, destêwerdanê bike”.
 

Serokê baroya Amedê Tahîr Elçî jî got “Eger ew tiştên derveyî yasayan di wê operasuyonê de hebe hinge hikûmet dikare destêwerdanê bike, lê hikûmet dixwaze wê gendeliyê veşêre û Serokwezîr Erdogan aşkere tehdîda dozger û dadweran dike, ev li welatê demokrasî lê tine ye jî nebûye”.
 

Cîgira serokê BDPê Meral Beştaş derbarê wê mijarê de anî ziman ku pêwîste mijarê yasayî nebin siyasî û got “Îro herkes li Tirkiyê nîqaşa bê alîtî û serbixwebûna dadgehê dike, ku dadgeh jî ketiye destê cemaatê, başe ev tişt hikûmet û rayedarên Tirkiyê nû pê dihesin, ew bê alîtî li kûbû dema ku rewşenbîr û berpirs û xwendevanên kurd bê tawan dihatin darazandin, û behsa guhdarkirina telefonan dikin, û tevî ku her kes dizane ev pênc salin telefonên perlementer û siyasetmedarên kurd tên guhdar kirin, lê dema ku agir gihîşt cilê AKPê niha tenê êdî behsa van zêdegaviyan dike”.