Li Sûriyê yekîneyên Artêşa Esed, li çend bajarên cuda, bi êrîşên hewayî û bejayî, li ser kesên mixalîf operasyon rast kirin. Di êrîş û hadîseyan de 114 kes hatin kuştin.

   Li gor agahiyan, yekîneyên artêşa rejîma Esed, li ser heremên ku di bin kontrola muxalifan de ne, ji hewa û bejayê ve operasyon li dar xistin. Di van operasyonan de, li berbajarên Şamê 44, li Raqqayê 9, li Helebê 8, li Derayê 6, li Hama, Îdlîb û Xumsê 3, li Deyrûz Zorê 2 û li Qûneytrayê jî 1, bi tevahî 79 kes hatin kuştin.

   Berpirsyarê Medyayê ya Konseya Şoreş a Giştî ya Sûriyeyê Elî Xetîb diyar kir ku li Raqqayê, moşeka scûdê (skadê) ketiye cadde û kolana 23ê Sibatê û li gor tespîtên ewil 35 kes mirine û herî kêm 100 kes jî birîndar bûne.

   Xetib destnîşan kir ku li herêma ku moşek ketiye, bi dehan mal û xanî hilweşiyane û agir bi gelek wesaît û tiştên din ketiye. 

   Li herêmê ji ber ku ceyran tuneye, welatî di nav xopanan de bi fenera destan li cinazeyan digerin.

BANGAHEQ