Rêxistina Çand, Perwerdehî û Zanistê Unesco ku bi Dewletên Yekbûyî ve girêdayîye îsal wê xelata aşîtiyê bide François Hollande yê serekê Fransa.

Di beyanata ku ji alî komîteya xelatê ve hat dayîn hat gotin ku: “Bi taybetî ji ber alîkariyên wî yên bi gelê ‘Efrîqa re û mudaxeleya wî ya ‘eskerî bi bal Maliyê ve serekê Fransa ji bo vê xelatê layîq hatiye dîtin.”

Kesên ku ji bo vê xelatê layiq tên dîtin digel xelatê 150 hezar dolar pere jî tê dayîn wî.

Li gor tê sedemê ku Fransa Malî îşğal kiriye dewlemendiyên ser û binî erdê yên vî welatî ne. Li gor hinek pisporan ev çil sale deranîna uranyuma dewleta Nîjerê şîrketa Fransa Areva di destê xwe de dihêle.

Lê belê Nîjerê pey demekî gavekî mezin avête û vê heqqê da dewletên wek Hîndîstan, Brîtanya, ‘Efrîqaya Başûr, Amerîka,, Kanada û Awusturalyayê jî. Fransa ji bo li maliyê jî heman tişt neyê serê wî dest bi vê îşğalê kir.

Fransa ji ber îşğala Maliyê ji alî ‘alema Îslamê ve gelek rexne lê hatin kirin. Gelek protesto hatin lidarxistin û le’net li Fransa hat barîn. Vêga jî Unesco xelata aşîtiyê dide serekê îşğalkera. Vê yekê dibe sedemê gelek rexneyan.